« LA MAYONNAISE »

 L’UÒLH DEL BUÒU LA BILHETA DE L’IVONA DEL CERCLE
OCCITAN DE MÈSA

 O sabiatz ? d’ont pòt venir lo nom de « mayonnaise », que a ges de rapòrt amb las matèrias utilizadas : òli, uòu, mostarda, sal e pebre ?

Es en 1756 que lo duc de Richelieu prenguèt d’assalt Pòrt-Mahon, vila de Menòrca (Balearas).

Quand foguèt de retorn al país, un sopar foguèt donat en son ònor a Marselha per lo duc de Villars, alara governador de la província, per lo mercejar d’aver complit aquel acte gloriós.

Lo cap-cosinièr inventèt per l’ocasion una saussa, amb d’òli, d’uòu (lo rosset), de mostarda, sal e pebre, per acompanhar lo pol « a la Villeroy »,  saussa que batejèt « La Mahonnaise ».

Pauc a pauc, «mahonnaise » se diguèt « mayonnaise ». Lo segur es que d’aquel jorn, princes e grands senhors d’Euròpa tota an volgut comptar dins lors sirvents un cosinièr françés que saupriá aprestar la « mahonnaise ».

Nosautres, sèm pas princes, sèm pas grands senhors, alara avèm aprés a far tot sols la « mayonnaise », que se pòt tanben relevar amb de citron o d’alh (qu’apelam a tòrt alhòli), per acompanhar fòrça plats ; per exemple de lops bèlses de Mediterranèa o de l’estanh de Taur, cuòches a l’aiga-sau.

De longtemps, la « mayonnaise » se faguèt subretot amb d’òli de coide, que calià bolegar tot aquò amb un bèl enavant per la capitar. Ara dins las nòstras cosinas, avèm çò que cal per brandir a nòstra plaça los ingredients. De còps, lo progrès a de bon.

De tot biais, sèm plan contents que lo duc de Richelieu aguèsse ganhat la batèsta de Pòrt Mahon…

Ivona BEAUME.

Mèsa lo 30 de març de 2021.

 LA MAYONNAISE.

Le saviez-vous ? d’où peut venir le nom de mayonnaise, qui n’a pas de rapport avec les matières utilisées : huile, œuf, moutarde, sel et poivre ?

C’est en 1756 que le duc de Richelieu prit d’assaut Port-Mahon, ville de Minorque (Baléares).

Lorsqu’il fut de retour au pays, un souper fut donné en son honneur à Marseille par le duc de Villars, alors gouverneur de la province, pour le remercier d’avoir accompli cet acte glorieux.

Le chef-cuisinier inventa pour l’occasion une sauce, avec de l’huile, de l’œuf (le jaune), de la moutarde, sel et poivre, pour accompagner le poulet à la Villeroy, sauce qu’il baptisa « la Mahonnaise ».

Peu à peu mahonnaise se dit mayonnaise. Ce qui est sûr, c’est que de ce jour-là, princes et grands seigneurs de toute l’Europe ont voulu compter parmi leurs serviteurs un cuisinier français qui saurait préparer la mahonnaise.

Nous, nous ne sommes pas princes, nous ne sommes pas grands seigneurs, alors nous avons appris à faire nous-mêmes la mayonnaise, que l’on peut aussi relever de citron ou d’ail (que nous appelons à tort aïoli), pour accompagner de nombreux plats ; par exemple de beaux loups de Méditerranée ou de l’étang de Thau, cuits à l’eau-sel. 

Pendant longtemps, la mayonnaise se faisait surtout avec de l’huile de coude, car il fallait remuer tout cela avec une belle énergie pour la réussir. Maintenant dans nos cuisines nous avons ce qu’il faut pour remuer à notre place les ingrédients. Parfois le progrès a du bon. 

Quoi qu’il en soit, nous sommes bien contents que le duc de Richelieu ait gagné la bataille de Port Mahon…

Yvonne BEAUME.

Mèze, le 30 mars 2021.