ISTÒRIA VERTADIÈRA DE VESINATGE

L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

A l’epòca, dins los quartièrs dels vilatges del Miègjorn, i aviá una vida plan conviviala e plan solidària. De còps, aquò empachava pas de presas de bèc memorablas, que se desconflavan lèu coma un bufet.

Los sers d’estiu, cadun sortissiá sa cadièra per préner lo fresc, que la climatisazion existissiá pas. Los Vièlhs contavan los temps ancians, pontuant lors prepausses de : de mon temps, o encara de èra melhor abans…nostalgia del temps que passa…

Cadun i anava de la seuna, grafinhant temps en temps qualque vesin qu’auriá mièlhs fach de venir aquel jorn per èstre pas vestit per l’ivèrn.

Los enfants, en s’amusant, mancavan pas de daissar rebalar una aurelha, coma lo sabon faire, prenent al passatge qualques leiçons profechablas. Èran un pauc los enfants de tot lo mond dins aqueles micro-univèrses, e se fasián plan aimar, subretot dels mai vièlhs, malgrat lors incontornables desaïcis.

Un fum d’annadas après, alara qu’un repais reunissiá una familha d’aquel vesinatge dins un mas en garriga, la maire, que beviá sonque d’aiga, sortiguèt de son panièr una botelha, ja dobèrta, mas qu’èra estada tapada amb de cera, e diguèt :

-       Ne podètz beure en confisança. Ai dich a la mameta Angèla : « en netejant la carbonièra qu’èra dins l’ostal que ma filha ven de crompar, ai trapat aquela botelha que i èra amagada dempuèi quant de temps ! Tè, tu que siás la pus vièlha, i devriás gostar abans que ne'n donèsse a mos enfants ».

La mameta sosquèt mens de cinq segondas, e respondèt :

    - As rason, baila.

La mameta aviá subreviscut, of !

Aquel jorn, los enfants, dempuèi aqueles tempses ancians, venguts d’adultes, an mesurat a quin punt  mameta Angèla los aviá aimats, eles, simples vesins.

Per la defensa de la maire, cal dire qu’era pas animada de marridas pensadas a l’encontre de la mameta Angèla, mas d’una simpla logica. Èra la pus vièlha, donc se qualqu’un deviá morir empoisonat, valiá melhor que siá ela que non pas sos enfants…çò que la mameta a perfièchament comprés !

               §§§§§§§§§

La maire, quand parlava a la mameta en patoés, li disiá tu, signe d’intimitat, et en francés li disiá vos. Aquel jorn aviá pas mancat de dire de tu a mameta Angèla, coma s’èra de la quítia familha.

 

Ivona BEAUME.

Mèsa lo 20 de mai de 2021.

 

HISTOIRE VRAIE DE VOISINAGE.

À l’époque, dans les quartiers des villages du Midi, il y avait une vie bien conviviale et bien solidaire. Parfois, cela n’empêchait pas des prises de bec mémorables, qui se dégonflaient vite comme un soufflet.

Les soirs d’été, chacun sortait sa chaise pour prendre le frais, car la climatisation n’existait pas. Les Vieux racontaient les temps anciens, ponctuant leurs propos de : de mon temps, ou encore de c’était mieux avant. ..nostalgie du temps qui passe…

Chacun y allait de la sienne, égratignant de temps en temps quelque voisin qui aurait mieux fait de venir ce jour-là, pour ne pas être habillé pour l’hiver.

Les enfants, tout en s’amusant, ne manquaient pas de laisser traîner leurs oreilles, comme ils savent le faire, prenant au passage quelques leçons profitables. Ils étaient un peu les enfants de tout le monde dans ces micro univers, et se faisaient bien aimer, surtout des plus anciens, malgré leurs incontournables espiègleries.

Bien des années après, alors qu’un repas réunissait une famille dans un mas en garrigue, la mère, qui ne buvait que de l’eau, sortit de son panier une bouteille, déjà ouverte, mais qui avait été fermée par de la cire, et dit :

-       Vous pouvez en boire en toute confiance. J’ai dit à la mamée Angèle : «  en nettoyant la charbonnière qui était dans la maison que ma fille vient d’acheter, j’ai trouvé cette bouteille qui y était cachée, depuis qui c’est quand ! Tiens, toi qui es la plus vieille, tu devrais y goûter avant que j’en donne à mes enfants ».

La mamée réfléchit moins de cinq secondes, et répondit :

-       Tu as raison, donne. 

La mamée avait survécu. Ouf ! ce jour-là, les enfants, depuis ces temps anciens devenus adultes, ont mesuré à quel point Mamée Angèle les avait aimés, eux, de simples voisins.

Pour la défense de la mère, il faut dire qu’elle n’était pas animée de mauvaises pensées à l’égard de mamée Angèle, mais d’une simple logique. C’était la plus vieille, donc si quelqu’un devait mourir empoisonné, il valait mieux que ce soit elle que ses enfants…ce que la mamée  a parfaitement compris !

           §§§§§§§§§

La mère, quand elle parlait à la mamée en patois, lui disait tu, signe d’intimité, et en français elle lui disait vous. Ce jour-là, elle n’avait pas manqué de lui dire tu comme si elle était de sa propre famille.

Yvonne BEAUME.

Mèze, le 20 mai 2021.