Una rubrica novèla, Mescladís, de Bobí lo Contejaire. (Robèrt Pastor) Cada dijòus dins Midi Libre, Pays coeur d'Hérault, edicion de Lodèva.
e ara, pas que per vautres sus lo blòg del'IEO34.
Dins una lenga mai que polida es aisit de legir Joan
Bodon ! Nascut en Roergue en 1920 e mòrt en 1975 en Argièr, Joan Bodon a daissat una òbra de primièra.
Es conegut tanben per sos romans : La grava sul camin, La Santa Estela del Centenari, Lo libre dels grands jorns, Lo libre de Catòia, La Quimèra, Las domaisèlas...
Poèta amb : Res non val l'electrochòc, Sus la mar de las galèras...
Bodon es plan legit, estudiat dins los collègis, licèus, las universitats, las associacions...).
Los libres se trapan tanben en Francés. En 2003, Catherine PARAYRE escriguèt una biografia en francés : « Jean Boudou, écrivain de langue d'Oc »(éditions l'Harmattan).
Traparetz un fum d'entresenhas sul catalòg « Tè » del CIRDOC -cicle tematic: libres ,albums e creacions.
Extraches de l'òbra de Bodon :
Conte : « L'enfant polit » : Un còp i aviá lo
Drac. Lo Drac es lo filh del Diable. Un cop i aviá l'enfant polit...E l'enfant
polit èra montat sus un pomièr de pomas rojas al pus fons de l'òrt, lo long del
camin. Passèt un cavalièr sus un caval negre...
Roman : « La grava sul camin » Montan la còsta de la Molina. Me soi plaçat al pè del calfaire. L'autò arrapa coma cal e puèi se lança quand torna èsser sul planièr.
Lo calfaire tira de la pòcha un paquet de cigarretas americanas. M'en paga una :
-Tè,l'amic, fuma !... (un libre que parla del retorn de Bodon en Roergue apuèi lo S.T.O.en Alemanha).
Poesia : L'èrba d'agram
L'èrba d'agram, ieu l'ai culhida
Sus la cròsa del paure mòrt.
Marrida grana l'ai brandida
Als quatre caires de mon òrt.
E lo grand vent de la misèria
L'escampilha sus la mia tèrra.
Al vòstre segle de l'aram,
Que venga patz, que venga guèrra,
Semeni, ieu, l'èrba d'agram...
Notes : Livres/CD de Joan Bodon disponibles au Cirdoc (prêt). A l'achat editions de l'I.E.O, Aura production, Occitania Prod....
Cap comentari:
Publica un comentari a l'entrada